"मनसे'ने खाते उघडले
Friday, February 2, 2007
शिवसेनेतून बंडखोरी करून राज ठाकरे यांनी स्थापन केलेल्या महाराष्ट्र नवनिर्माण सेनेने महापालिका निवडणुकीत नाशिकमधूनच पहिले खाते उघडले. जेल रोड परिसरातील वॉर्ड क्रमांक ३५ मधून सुनंदा काशीनाथ खरोटे १३४८ मते मिळवून विजयी झाल्या. पालिका निवडणुकीत नाशिक जिल्ह्यात "मनसे'ला खाते उघडता आले नव्हते. भगूर पालिका निवडणुकीत "मनसे'च्या उमेदवाराचा केवळ एका मताने पराभव झाला होता. त्याच परिसरातून महापालिका निवडणुकीत "मनसे'ला खाते उघडण्याची संधी मिळाली. "मनसे'च्या पारड्यात गेलेला हा पहिला विजय ठरला.
